唔少人申請貸款時，都唔鍾意親身去貸款公司。現時不少銀行及財務公司都標榜可以做到申請貸款網上即批，但到底市面上邊間網上貸款公司可以做到真正全程網上即批貸款？幫大家詳細比較同講解下網上私人貸款要注意的地方！

網上私人貸款是甚麼？

銀行及財務公司都有一些以「特快批核」、「即批即過數」作招徠的貸款計劃，一般而言只需透過網上平台或應用程式作申請，同時按指示上載文件即可完成申請程序，全程毋須現身、甚至以AI批核令申請貸款不受辦公時間所限等。

1. 隨時隨地借貸

話明網上貸款，由申請、批核、遞交文件、簽約到過數當然都係經網上完成啦！現時的確有唔少銀行同借貸機構提供網上申請貸款服務，但好多都做唔到真正嘅網上貸款，譬如個別財務機構對「網上簽約」服務就設有相關貸款條件，唔符合條件嘅客戶最終可能都要親自落分行簽約。有啲財務機構則可能要求你親自落分行遞交正本作審查，程序繁複。不過，個別財務機構嘅申請已可於網上完成，服務時間更延長至星期日，更方便客戶。相反，主攻網上專門貸款嘅機構手續就簡單得多，申請人可以透過網上平台申請，更可以用WhatsApp上載及提交文件。只要你有手機或電腦在手，無論何時何地，都可以即刻申請貸款，方便快捷，又免除尷尬，唔使俾人知道自己要借錢。

延伸閱讀：急借錢？特快私人貸款全方位比較

2. 網上即時知道批核結果

一般銀行同財務公司都以人手審批貸款申請，而且要收齊文件至可批核，所以申請人通常要等7至14個工作天至知道審批結果，最快嘅都要2至3日，對於急需現金周轉嘅人嚟講相當不便。隨科技發展，網上借貸平台、部份傳統銀行及虛擬銀行都已引入網上自動化審批科技，可以讓消費者即時知道批核結果，而且可以先看批核結果是否合心意才遞交申請文件。只要交齊文件，更可以即時過數，讓現金迅速到手，解決燃眉之急。

3. 利息低，借貸成本更低

網上借貸平台最大特色就是以零分行、全網上形式運作，會節省唔少舖租同支出。正因為咁，部份網上專門貸款公司嘅利息會比一般貸款機構低。互聯網作為私人貸款的兵家必爭之地，更不時有特別嘅額外優惠出現！當然實際年利率若要與一般大銀行比較，仍然稍高。

4. 提早清還免罰息

提早還錢雖然可以慳番利息，但好多銀行同財務機構都有喺合約列明向客戶收取提早還款費用同行政費，令借貸人得不償失。相比之下，網上貸款平台通常都會允許借貸人隨時提前還錢，亦唔會收取任何罰息，令借貸人可以安心還款之餘，亦大大減低借貸成本。

5. 網上貸款免入息證明/ 免TU

免入息證明 / 免TU 的私人貸款不少均接受網上申請，手續簡單方便。當然，這類貸款亦有缺點，就是它們收取的利息一般較高，實際年利率甚至會高達30％以上，而且批出的金額一般較小，只有數萬元。