好多租客同業主對於大廈o既物管公司唔係咁睇重，最緊要管理費要夠平，但是，等到你有緊急維修，物管公司乜都話做唔到，你就會嬲到想殺o左佢。

有D物管公司你叫佢睇緊D出入o既人士，咪畀閒雜人等入來，佢地管理員只顧住睇電話播放o既劇集，愛理不理，真想一腳伸佢出街。

等到住戶有乜麻煩事情例如漏水、爆水喉、冷氣滴水、換大門密碼、壞門鎖…….，你叫佢地幫手就咿咿哦哦，久而久之，你就見樓全世界樓價升緊，自己躉樓價錢郁都唔郁，點o左穴一樣。即係話鄰近地區o既租各、業主、代理都知呢棟樓管理有問題，物管公司同四方木無乜分別，踢一踢郁一郁，甚至踢都唔郁，影響升值。

所以買樓租樓都要知道間物管公司做得好定曳，若果係曳就咪諗佢，否則有問題你賺激氣。記住，管理貴唔一定好，但是，平就多數唔好，業主租客你自己要醒水。